Friday, November 13, 2009

  1. 全天候喜歡吃西式早餐:腸/煙肉/火腿配太陽蛋,近期正練習炒蛋。凍冰冰的歐陸早餐,唔好預我。
  2. 茶毒甚深,可以飲很濃很濃的清茶。
  3. 儲了應該有50支茶匙,近期收穫是這個兼作茶葉隔的茶匙,38港元@Homeless。 真係幾好用。
  4. 也儲了好些茶杯。
  5. 未識寫中文字,己經識斟啤酒--即係要倒到無乜泡個種。
  6. 喜歡喝的酒恰好都是無色無相的。
  7. 很少大塊吃肉,但吃全齋宴的話又會覺得很淒涼。
  8. 百分之九十九的新朋友都以為我吃得很少。
  9. 最愛西式甜品:朱古力--其實我係唔介意牛奶味唔爭氣的。
  10. 最愛中式甜品:西米露。冬天就是西米布甸。
  11. 喜歡食條狀物體:泛指各國粉麵,尤其台式炒米粉和越式河粉。
  12. 到無飯食,至知自己係鍾意食飯的。
  13. 踏入秋天便,咀巴便忙過不停:煲仔飯 x 2,大閘蟹,蛇羮,聖誕樹幹蛋糕,melty kiss,無印良品棉花糖...
  14. 因為家裡有人煮得一手正宗上海菜,所以出外很少專程食上海菜。
  15. 讀書時食得最多的飯盒:星米,咖喱雞飯。
  16. 對於打開門口賣難吃食物的胡混店舖,有三分厭惡,七分鄙視。
  17. 曾經好偏食,現在基本上無食物係唔食,唔多喜歡食的有一項,估中無獎。
  18. 認識至少半打朋友係「走青」一族。
  19. 做食網最大得益是認識了一些對食物很認真的人--做好一件事真係唔係為o左同其他人交代的。
  20. 中國人五千年來最大的堅持,對世界最大貢獻,一定是食。
  21. 服務態度會影響我對食物的觀感。要好食都無人有,才會考慮貼錢買難受。
  22. 落機會想食公仔麵。自己煮。
  23. 最理想的食物鏈是:有好人介紹我食,我再帶人去食,對方二話不說跟我去,而佢又覺得好食。