Sunday, July 20, 2008

Mum


我:(照鏡)我堂眉真係幾粗。
太后:係呀!靚呀!
我:似你吖嘛。但我嫌堂眉太粗嘞,朋友話眼瞓ge時候望住我,只會見到堂眉
太后:靚呀,唔好改!對中年運好大影響ga...



友人:咦,亨亨個躉好似大咗喎!
太后:係呀係呀,呢間屋個個都係剩係得個躉大,哈哈哈哈哈!
我:...
友人:(滴汗,陪笑)呀...哈,哈哈哈...



(餐廳裡)
我:好唔好食?
太后:(低頭食麵)
我:你碗麵好唔好食?
太后:(繼續唔應)
(鄰桌食客看過來,以為我哋冷戰)
我:唔好食呀?
太后:(依然唔應)
我:(拍佢隻手)好唔好食呀?
太后:(如夢初醒)啊...好,好...

(回家途中)
太后:你*********呀?
我:(聽不清楚)吓?
太后:(關心)要唔要驗吓耳呀?
我:(火起)要唔要你驗先呀???頭先問你三次啲麵好唔好食你都聽唔到!!!!!!
太后:(笑而不語,每次駁唔到咀的慣用伎倆)

比個撞聾ge人叫自己去驗耳,條氣唔順...



唔使講,似到十足

謹獻給堂眉個蠆雙耳同把口似到十足的太后:生日快樂