新聞就像你的鄰居
朝見口晚見面
你以為對他有一定認識
一問之下可能還是很陌生
點解幾份報紙咁蹺都做同一單消息？
曾經有著名DJ在早晨節目問過：
點解幾份報紙國際版
咁啱都做同一個網站調查？
其實不是各報館編採心有靈犀
而是很可能由這個網站主動向幾大通訊社報料
例如美聯（AP）、法新（AFP）、路透（Reuters）
只要有新聞價值
就有機會發放到全世界
大家都用這幾家通訊社
於是大家便找著同一篇新聞了
編輯做乜㗎？
不少熱血青年入錯行
或是睇戲中了毒
以為報館是由編輯（Editor）決定新聞方針
其實基層編輯主要做的是包裝整合的工序
將排山倒海的資料（info）化繁為簡
只有三兩位極高層可以參與決策
而且大部分報館由採訪部主導
老總亦大多是採訪出身
想話事，由文字記者做起吧
另有一些人以為編輯是純文字工作
豪花半天想幾條題便收工
其實自從蘋果日報面世後
報館亦注重編採的美術觸覺
識字是一定的了
編輯每日必做的工作一定包括「畫版」
另外亦要有優秀執生技巧
奉勸文藝青年和一舊飯者
切勿入行
xx報係咪好多人事鬥爭？yy報係咪人情味濃d？
當你還是個小薯仔
其實毋須擔心這問題
最有人情味的地方一樣會炒人
最多鬥爭的戰場都仍然會需要人做正經事
努力將自己變成公司寶貴資產
就是避過一切鬥爭的最好方法
做傳媒語文能力係咪好強？
到今時今日
有不少老中青行家仍不懂中文打字
外語人才是有的
國語反而是盲點，甚至聽也聽不懂
咁ge服務態度，實在有點兒那個
做傳媒係咪知天下事？
熱血的記者因為日夜在報館追新聞
所以反而可能是最OUT的一群
除了自己跑開的「線（Beat）」
常識不是個個都好
熱門的電影電視亦肯定無份睇
某報高層就曾坦承不知戲飛賣幾錢
不過虛心求教，也算是個好榜樣
可唔可以做副刊？
副刊和新聞部實際是兩個山頭
但無數新人都將新聞部當牛騎
上工不夠一星期就會問：點樣可以轉去副刊？
我都想問：你想食豬扒，點解要叫碟魚生？
做傳媒係咪識好多人？
那要視乎你做什麼版面
還要看性格
以我認識的編輯同事
多是內向的電車男女
而坐不住要四圍撩人傾偈的
若非老細，就是記者了
政情／教育／乜乜物物版編輯好專？
專版盡量會交由一個編輯跟進
因應主修科／興趣選人
但只是「盡量」，可能日日換人也說不定
該編輯不一定會因此而成為箇中專家
甚至可能暗地裡會痛恨那個版呢
新聞係咪真係客觀？
唔係！
講完
