眉
我：（照鏡）我堂眉真係幾粗。
太后：係呀！靚呀！
我：似你吖嘛。但我嫌堂眉太粗嘞，朋友話眼瞓ge時候望住我，只會見到堂眉
太后：靚呀，唔好改！對中年運好大影響ga...
臀
友人：咦，亨亨個躉好似大咗喎！
太后：係呀係呀，呢間屋個個都係剩係得個躉大，哈哈哈哈哈！
我：...
友人：（滴汗，陪笑）呀...哈，哈哈哈...
耳
(餐廳裡)
我：好唔好食？
太后：（低頭食麵）
我：你碗麵好唔好食？
太后：（繼續唔應）
（鄰桌食客看過來，以為我哋冷戰）
我：唔好食呀？
太后：（依然唔應）
我：（拍佢隻手）好唔好食呀？
太后：（如夢初醒）啊...好，好...
（回家途中）
太后：你*********呀？
我：（聽不清楚）吓？
太后：（關心）要唔要驗吓耳呀？
我：（火起）要唔要你驗先呀？？？頭先問你三次啲麵好唔好食你都聽唔到！！！！！！
太后：（笑而不語，每次駁唔到咀的慣用伎倆）
比個撞聾ge人叫自己去驗耳，條氣唔順...
口
唔使講，似到十足
謹獻給堂眉個蠆雙耳同把口似到十足的太后：生日快樂
