看到西環車禍父女的合照
第一個感想是：BB好可愛！識望鏡頭！
然後又閃出八卦又不合邏輯的感想：
睇BB個樣，真係唔似咁早去...
看！
我連個「死」字都唔想提
不要說BB的親友
連我都不太能接受到他們的離去
忍不住要問：為什麼？
為什麼生了這樣可愛的寶寶
又要用最殘忍的方法收走她呢？
有人可能會因為生得可愛而比較幸運
但面對不幸時，眾生是平等的
尤其是死亡
可愛和漂亮都沒有特權
我知，我知
生得不可愛不一定該死
但就是忍不住惋惜
BB的家人做了一件我很欣賞的事
宣布將網友說想捐的錢收歸基金下
幫助其他不幸的小孩
其實也有人質疑：人地係唔係真係咁需要錢？
有網友答：不重要 ，一點心意而已，讓家屬感到人間有情
唉，到底知唔知個「煩」字點寫？
人地話唔要，硬要塞給人家
到底係為左你自己好過d定係人地孤寡好過d？
讓我想起一些新聞專輯，走訪海嘯災區
收到一大堆無用的捐助
例如在無電的災區送上飯鍋，諸如此類
災民都唔知喊定笑好
現在總算兩全其美
想用捐款表示同情的，可以繼續捐
而家人也可以得到平靜
