現在的戲院票價愈來愈貴
裝修愈來愈豪
相對於「新藝城」年代
觀眾相對也愈來愈少
但不知為什麼
場內滋擾卻愈來愈多
手機
對現代人而言
手機＝安全感
朋友當中也有幾個人看演出不關機的
「得啦，唔會有人打來」
「我校震機，唔會有聲」
無聲，但最弊螢幕有光呢
隨著手機功能愈來愈多
除了講電話，還有盜錄情況
也見過有人在漆黑中用紅外線與朋友交換數據
完事後盯著亮得發白的手機螢幕
無限依戀，情人一般
遲到
以電影節情況較嚴重
有些人視遲到為一件好型的事
戲不好看的話又理所當然早退
如果戲院先天不足
如出入口位置差，場地狹小
守時的大多數就會好慘
只見銀幕前人影幢幢
要追字幕的話真係喊都無謂
遇過一對遲到15分鐘的小情侶
站在我面前，檔住銀幕，猶豫不決...
我：你究竟想點？
小女友：你可唔可以調去前面，讓個位出來比我地同坐?
我：其實你都遲到了，不如見位就坐啦好無？
小女友：（笑）係ge，係ge...
霸位
又係電影節
講明霸位
早到的人一定霸靚位
唔止一個，而係兩個、三個...
遲來的人到場
守時的人又要欠身讓路
銀幕又係一個個人頭，兩個、三個...
去邊好？
看戲能否自在
視乎會有什麼層面的觀眾
有時也只能忍讓
個人偏好去IFC，只是場次太不穩定
電影中心也不錯，但場地較破舊
芸芸戲院中
同事推介嘉湖百老匯
「真係咁好？」
「係，因為無人。」
