本欄今日起不定期推出《極品系列》
介紹人間極品，請各位留意
時：星期日晚
地：某日本餐廳
人：鄰座某男，與疑似母親及疑似女友晚飯
（電視播著蔡瀾美食節目，介紹炸豬扒）
母：我地好似食過一次，有七折吖嘛...
男：咁樣炸法係咪會好熱氣㗎？
兩女：咁食炸嘢梗係熱氣㗎啦！
（節目又介紹日式咖喱）
男：我都係鍾意食印度咖喱...
（介紹到鐵板燒了，頭盤燒牛柳）
男：牛柳側邊層油會唔會好肥㗎？
（然後到海膽炒飯）
母：嘩，好好食咁喎，好多海膽喎...
男：咁樣食海膽會唔會好腥/好嘥㗎？
我：（心想）彈三彈四，要煮飯比你食仲嘥呀......
