Saturday, March 20, 2010

Stimulate

「你平日有無飲開咖啡奶茶?」

「絕對有!每日一定要飲一杯奶茶。」

「哈哈哈...我都係,但係而家一飲第二杯就會o黎料。綠茶都唔飲得。」

「講起上o黎,而家飲香片好似唔得...」

「我有個同行好鍾意潛水,有次落海打龍蝦,比隻龍蝦用觸鬚拮到眼角,上水之後敷藥以為無事啦;點知從此之後就唔食得海鮮,一食就敏感,係全身發到好勁個種!佢以前好鍾意食海鮮o架,潛水都係為左咁之嘛。」

「吓?海龍皇派隻龍蝦向佢報復呀~」

「哈哈哈...係架。」

「咁...一旦發作過,係咪只會一路衰落去?」

「唔係,只要搵到個原因,解決咗佢,就會恢復正常。例如我最初出來開檔個時又要搬出宿舍,好stress,持續左半年,後來咪無事囉;如果飲咖啡奶茶會有事,你戒咗咪得囉。」

「但以前我飲乜都無事o架喎。」

「無辦法。一旦某種因素stimulate到身體機能排斥就改唔到o架啦。」

「...」

謝謝醫生。我想我懂你的意思的。

圖片來源:dreamstime.com

No comments: