Tuesday, January 26, 2010

The East Hotel: Feast


兩個神婆的飯局。

轉變總是接踵而來。美女C出書又搬家,變成街坊,就在新場相約晚飯,索取簽名兼交換近況,然後就轉入直路講星座o 野,亦是我倆的主要共同話題。


為保萬無一失,前一日預先訂了桌子。裝修有型,型到過了頭,犧牲功能,從看不見樓層的電梯可見一斑。


酒店只有這間食肆,菜式中西合壁,樓底高又十分寬敞,頂樓另有一間酒吧Sugar,因為美女不喝酒,酒吧只好擇日再去。


中西混雜,對它的菜式原本不抱厚望。先來了薄餅Pizza di Parma,118元,侍應善意預告說要等十多二十分鐘,談談天玩玩相機就過。火腿,磨菇加芝麻菜。餅底做得很薄很脆,正好可以做頭盤,磨菇和芝麻菜的「怪味」做居然很匹配,吃了又吃。美女說意大利當地的餅也薄,但做得較濕。希望有一天有機會吃到。


中式代表方面,試了手拉的牛肉麵,質感有點像意粉和日式拉麵,湯和牛肉都是用心之作。好像是88元吧。


特別留肚吃甜品,選了拼盤,百多元,其實就是從自助餐精選挑六件來試試。侍應服務殷勤,就老實不客氣先說明要美女愛吃的Tiramisu和芝士蛋糕;是日另有荔枝啫喱,pannacotta,法式瑪德蓮餅和朱古力蛋糕。六款甜品水準大都不錯,芝士蛋糕很綿滑,Tiramisu酒味重了些,pannacotta就麻麻地,很硬,桑莓汁太香濃,兩者不太搭配。每樣少少地,啱晒花心之徒。


餐廳亦設半自助餐,晚上是320元一位。鄰桌有平民食家試食,大廚還特地出來招呼。後來才知道是王子出巡,真係失覺晒...


吃到尾聲,美女發現原來我部相機係有花花近距mode的,拍出來的效果好太多了,自助甜品的cupcake,多吸引!她慘叫:快啲叫佢地攞番啲菜出來影啦!我倒是慶幸她為我找出這功能,否則一輩子都不會知道。這就是看事情的兩面吧。


入口也有一間酒吧。喜歡這種木色。


食物,環境和服務俱有水準,而且男的登樣,女的漂亮。小節如帳單,也有貼心之處。


Feast @ East Hotel(東隅)
太古城太古城道29號1樓
3968 3968,由前台代接駁到餐廳
http://www.east-hongkong.com/en/#/en/

4 comments:

不眠 said...

就讓我來對號入座吧!
完全明白妳意思嘅,我亦有自知之明,好醜命生成,自己都好無奈!
如果當晚騰出騰入騷擾到妳,我喺度跟妳講聲對唔住吧!

v said...

咦? 真係失覺晒...小女子掌咀一萬下道歉!!

好久沒聯絡, 王子當日的好意我有記住, 希望你一切安好.

不眠 said...

Oh!原來係妳...其實妳唔須要delete段嘢,當日可能係我騷擾到妳至令妳咁勞氣,我係有唔開心,因為呢2日病咗跌晒watt,所以我都唔記得點解得罪咗妳...
但我認得妳,妳係帶眼鏡那一位吧?
其實係有睇開KC、妳及我個blog嘅朋友仔話我知...點都好啦!我仲記得上年七月同妳好好傾添!

v said...

"我仲記得上年七月同妳好好傾添!"

你咁講... 我更加唔好意思, 要切腹...

不關你的事的, 無論識唔識, 我都應該慎言的.

再次真誠地跟您道歉. 快D好番!